অহংকাৰী কুকুৰা

           এখন ফাৰ্মত আন বহুতো জীৱ-জন্তুৰ লগতে দুটা কুকুৰা আছিল । 
      "মই সকলো জন্তুৰ নেতা", প্ৰথম কুকুৰাটোৱে ক'লে । 
       "তুমি নহয় মইহে নেতা", দ্বিতীয় কুকুৰাটোৱে ক'লে ।
        সেইটো কেতিয়াও হ'ব নোৱাৰে । আমাৰ দুয়োৰে মাজত এখন যুজঁ হওক । যুজঁত যিয়েই জিকিব সিয়েই নেতা বুলি মানি লোৱা হ'ব । 
       "ঠিক আছে, বঢ়িয়া চিন্তা", দ্বিতীয়টো কুকুৰাই ক'লে । 
       দুয়োটা কুকুৰাই ইটোৰ ওপৰত সিটো জপিয়াই পৰি যুদ্ধ লাগিবলৈ ধৰিলে । কিছু সময়ৰ পাছত দ্বিতীয় কুকুৰাটোৱে পৰাজয় বৰণ কৰিলে । যুজঁত হাৰি লাজতে সি চোক এটাত গৈ লুকাই থাকিল । 
         যুজঁত জিকি প্ৰথমটো কুকুৰাই বৰ গৌৰৱবোধ কৰিলে । আনন্দতে সি তাৰ পাখি জোকাৰি চিঞৰি চিঞৰি ক'বলৈ ধৰিলে - মই কি সাহসেৰে যুজঁ কৰিলোঁ তোমালোক সকলোৱে দেখিলা, ময়েই এই বিশ্বৰ আটাইতকৈ শক্তিশালী কুকুৰা । 
        সেই সময়তে এটা ঈগল উৰি যাওঁতে কুকুৰাৰ কথাকেইটা কাণত পৰিল । সি চোঁ চোঁৱাই তললৈ নামি কুকুৰাটো থাপ মাৰি ধৰি তাৰ বাহলৈ লৈ গ'ল । সেইদিনা মঙহাল কুকাৰটো ঈগলৰ পৰিয়ালৰ বাবে সুখাদ্য হ'ল ।
       ইতিমধ্যে লুকাই থকা জেগাৰপৰা দ্বিতীয় কুকুৰাটোৱে এই সকলো দৃশ্য উপভোগ কৰি আছিল । সি লাহেকৈ বাহিৰলৈ ওলাই আহিল আৰু নিজকে নেতা বুলি সদম্ভে ঘোষণা কৰিলে ।

নীতিশিক্ষা : অহংকাৰেই পতনৰ মূল । 

উৎস : টাইনি টত্ প্ৰকাশনৰ "ফেমাচ ম'ৰেল ষ্টৰিজ" নামৰ সাধুপুথিখনৰ "দ্য প্ৰাউড কক্" নামৰ সাধুটোৰ অসমীয়া অনুবাদ ।